Регулаторот за гасен хлор работи на современиот индиректен вакуумски принцип и одговара на сите заштитни принципи и стандардот DIN 19606 Докажаната, цврста конструкција, високиот квалитет на употребените материјали и постојаната контрола на производството овозможуваат беспрекорно и безбедно работење во сите услови на експлоатација. Модуларноста на конструкцијата и широкиот опсег на работни капацитети овозможуваат задоволување на сите кориснички барања и компатибилност во случаи на инсталација во веќе постоечки системи.
Автоматскиот вакуумски прекинувач работи во полуавтоматски и автоматски системи за дозирање на хлор и има улога да обезбеди континуирано работење и снабдување со хлор во системот.
Ротаметарот е најчесто користениот уред за мерење на протокот. Високата распространетост на овој уред се должи на неговата едноставност, широките можности за примена и големиот опсег на мерење.
Овие уреди обезбедуваат создавање на вакуум неопходен за транспорт на хлор и негово вбризгување и мешање со третираната вода. Погонската вода се напојува низ цевката за вентури на инјекторот со помош на пумпа за засилување.
Собирната линија има улога на колектор и се користи за поврзување на 1, 2, 3, 4 или повеќе шишиња и/или контејнери со системот за хлорирање. Изградбата на собирната линија обезбедува и лесно одвојување на нечистотиите, а исто така со употреба на специјални грејачи овозможува брз премин од течната фаза на хлорот во гасовитата.
Автоматскиот вентил „SHUT OFF“ е дел од системот кој служи за спречување на ослободување на гасот хлор од шишето или контејнерот. Затворањето на шишето или садот со хлор со овој вентил може да се направи рачно или автоматски, доколку сондата за детектор на хлор регистрира присуство на гасовит хлор во воздухот.
Електромагнетниот вентил за хлор се користи во системи за полуавтоматско работење. Кога се врши хлорирање во неколку паралелни линии за дистрибуција, од кои секоја има своја пумпа, кога пумпите за напојување се вклучени поединечно, се вклучува и електромагнетниот вентил, а со тоа доаѓа до промена на дозата на хлор.
Изработен од материјал заштитен од штетното дејство на хлорот.
Покрај производството на уреди за вакуумско дозирање на хлор, Aqua Interma ја произведува и целата дополнителна опрема и фитинзи за поврзување на уреди во вакумска инсталација.
Сите производи се направени од материјали отпорни на агресивното дејство на хлорот.
